fondo web
GAL | ES
logotipo concello de Santiago
Qué?
Cando?
Onde?
Criterios seleccionados
Suprimir todo
GOLDI LIBRE
Teatro | de AutorTeatro&Danza
GOLDI LIBRE
de A Berberecheira
Goldi libre é un traballo de teatro documento sobre o movemento de insubmisión, un dos primeiros e máis fortes movementos de desobediencia civil xurdidos despois da Transición en España, que levou a centos de mozos ao cárcere como presos de conciencia e que tivo como consecuencia inmediata a suspensión do servizo militar obrigatorio despois de máis de 150 anos de vixencia.
que

Un traballo feito a partir da memoria, a experiencia persoal e o testemuño de César Goldi, veciño de Teo e actor que en 1993 foi xulgado e condenado a 2 anos, 4 meses e 1 día de prisión por negarse a realizar tanto o servizo militar como a prestación social substitutoria, cumprindo a condena no cárcere da Coruña. Dende unha perspectiva autocrítica, distanciada e irreverente, a obra ofrece ademais unha panorámica desenfadada do activismo social e político da esquerda dos anos 80 e 90 do século XX, cuestionando algúns dos mitos da loita antimilitarista. Trátase por tanto de conectar a memoria individual coa memoria colectiva dunha xeración e co imaxinario dunha época a través dun dispositivo especificamente teatral.

É o primeiro proxecto sementado e criado integramente na Berberecheira ao longo dos anos 2015 e 2016. A Berberecheira é un espazo teatral promovido e custodiado por Chévere para sementar proxectos escénicos de xestión colectiva que desbordan o núcleo estable da compañía. Un laboratorio de creación sustentado en redes estables de cooperación e un lugar de encontro e diálogo entre creadores, públicos e axentes culturais.

En escena: César Goldi.

Dramaturxia, dirección: Xron.

Xefa de produción/asistente dirección: Patricia de Lorenzo.

Escrita: César Goldi, Xron, Manuel Cortés.

Escenografía, atrezzo, vestiario: Berberecheira.

Sobre A Berberecheira

A Berberecheira é un banco marisqueiro enriquecido polas mareas que entran por unha Boca do Río aberta na praia de Carnota (A Coruña). Un criadeiro natural custodiado por xentes da zona para uso propio e goce do resto do mundo.

De aí nace a idea desta outra Berberecheira teatral promovida e custodiada por Chévere:

• un espazo para sementar proxectos escénicos de xestión colectiva que desbordan o núcleo estable da compañía,
• un laboratorio de creación sustentado en redes estables de cooperación,
• un lugar de encontro e diálogo entre creadores, públicos e axentes culturais.

Unha iniciativa que utiliza como soporte a estrutura, os medios, o coñecemento, a experiencia e a proxección de Chévere co obxectivo de ampliar a documentación escénica de feitos e historias que conformaron e seguen dando forma ao mundo no que nos tocou vivir.

Un proxecto que forma parte do plan de residencia que Chévere desenvolve co apoio do Concello de Teo.

Goldi libre é o primeiro proxecto sementado e criado integramente na Berberecheira ao longo dos anos 2015 e 2016.

Arquivos adxuntos

cando e onde
Venres 27 - Sábado 28 xaneiro 2017
20:30  Teatro PrincipalRúa Nova 21981 542 347

prezo das entradas
10 euros
5 euros para desempregados, maiores de 65 anos, xubilados, menores de 25 anos, estudantes, familias monoparentais, familias numerosas e perceptores de rendas sociais.
puntos de venda
Despacho de billetes do Teatro Principal. Aberto de martes a sábado (+ días de evento) de 18.00 a 21.00h.

Os días que hai evento no Teatro, a venta anticipada remata ás 20.00h e só se venden entradas para o espectáculo dese día.

Teléfono: 981 542 349

entradas.abanca.com

902 434 443
de interese
Duración: 80 minutos
Recomendado para maiores de 12 anos
O venres 27 ao rematar a función haberá un coloquio con César Goldi, Emi Candal, Suso de Toro e Manuel Dios. Web - http://redenasa.tv/g...
http://www.compostelacapitalcultural.com/adjuntos/1483356991.pdf
http://www.compostelacapitalcultural.com/adjuntos/1483356991.pdf http://www.compostecapitalcultural.org
http://www.auditoriodegalicia.org/ www.compostelacapitalcultural.org http://ofv.auditoriodegalicia.org
www.compostelacapitalcultural.org www.compostelacapitalcultural.org/index.html http://www.compostelacapitalcultural.org/adjuntos/1372404450.pdf www.compostelacapitalcultural.org www.compostelacapitalcultural.org
www.compostelacapitalcultural.org/index.html http://www.compostelacapitalcultural.org http://www.compostelacapitalcultural.org www.compostelacapitalcultural.org