RudiDudi, un clown, formado na Escola de Mimos, Antwerpen Belgica. Do 84 ao 90 foi director, guionista e actor en teatros en Bélxica. Nos anos 90-99 conta-contos e actor no circuíto "Teatro na Educación" en Irlanda. No 2000 decidiu dedicarse por completo ao clown, viaxando por toda Europa, actuando en infinidade de lugares. Desde o 2005 vive en Galicia, actuando contratado por concellos, colexios, festivais, asociacións, etc.

Rudi Dudi, no seu personaxe "o home máis forte do mundo", ás veces tenro e inseguro e outras romántico e atrevido, intenta romper os moldes, xogando co absurdo. Coa súa arte sedutora consegue atrapar a un público sen límite de idade, invitándoo a participar e axudar no imposible, logrando que o espectador "perda" a noción do tempo e "gañe" un sorriso. Un espectáculo dinámico e interactivo designado para salas e exteriores.