...  

Ivor Bolton dirixe á Real Filharmonía de Galicia neste concerto no que interpretan obras de Beethoven, Hindemith, Stravinski e Haydn. “Non entendín un compás de música na miña vida, pero sentino”, dicía Igor Stravinski.  

“Manifestación” é un espectáculo baseado nunha idea orixinal de Albert Pla, que xira arredor da historia dun home atrapado nunha manifestiacón eterna.  

Chega a Compostela o Primeiro Campionato de Improvisación Teatral Galego. Funcións irrepetibles, comedia, creación en directo. Interactuación total, os improvisadores crean historias a partir das propostas do público e resolven escenas a un ritmo vertixinoso e hilarante. Parellas de improvisadores procedentes das compañías Los Duguis (A Coruña), Improperio (Vigo) e The Momento (Santiago), competirán por ser os favoritos do público. Cada sábado un novo combate, presentado polo actor e cómico Antón Coucheiro, aínda que será o público o que decida quen será o gañador da noite.  

‘A nena e o grilo nun barquiño’ é un espectáculo para toda a familia que lle dá continuidade ao exitoso musical que percorreu Galicia no ano 2010 da man do programa de dinamización lingüística Bocaberta da Secretaría Xeral de Política Lingüística.  

‘El Amor de Eloy’ é unha comedia trepidante e intelixente escrita por Ernesto Caballero onde critica duramente as relacións de parella.  

Daniel Da Barca é un novo médico e intelectual republicano encarcerado polas súas ideas na Galicia de 1936. A súa noiva, Marisa Mallo, filla dun coñecido oportunista reaccionario, loita dende fóra por devolverlle a liberdade. A testemuña do seu amor é Herbal, un apoucado carcereiro que asiste entre atónito e furioso ás historias e conversacións que manteñen os presos para facer máis levadeira a súa condena.  

Jacobo, un novo escultor, volve á súa cidade natal despois de 20 anos de ausencia. A razón do seu regreso é a delicada saúde da súa nai, hospitalizada nun psiquiátrico. Alí reencóntrase con persoas case esquecidas, que lle axudarán a enfrontarse a uns feitos dos que leva media vida fuxindo. Isto levarao ao centro dun pesadelo sen saída, na que descubrirá algo terrible: é a peza fundamental dun enigmático plan.  

Un grupo de teatro ensaia unha versión de 12 homes sen piedade cando os interrompe unha alarma. Encontrámonos dentro da prisión de Quatre Camins e o sinal indica o illamento dos módulos. O grupo, integrado por seis presos e oito persoas do exterior, permanecerá illado por unha epidemia de orixe descoñecida. A falta de información e o temor a un posible contaxio poñerá a proba a súa fortaleza e cambiará para sempre as súas vidas. O individuo fronte ao grupo, inocentes ou culpables?  

Cando un asasino a soldo español, ingresado nun hospital de Bos Aires, se decata de que está a punto de morrer, escapa e diríxese ao norte atravesando todo o país. Foxe por estradas secundarias nunha especie de tranquila peregrinación que ten algo que ver cunha moderna novela de cabalarías. Unha muller que encontrou na estrada será o seu escudeiro neste continuo avanzar fuxindo da morte e correndo, ao mesmo tempo, cara a ela.  

Alicia vive no "país de Ali", un lugar onde non é fráxil nin vulnerable. Ten dezaoito anos, unha nai, dúas amigas, un veciño e un traballo nun supermercado. Aínda que pensa que o controla todo, agora Ali namorouse e ten que atreverse a abandonar o país de Ali para asomarse ao país de Alicia.  

Director Javi Camino Videoclip: ‘Helio, Telehones Rouges’ Traxicomedia: ‘Non ten gracia’ Traxicomedia: ‘O viúvo quere mimos’ Terror/comedia: ‘Maldito bastardo’  

Etienne é un ancián enfermo que vive rodeado de toda clase de obxectos que acumulou ao longo do tempo. Son recordos dun pasado tráxico que non quere esquecer. A súa soidade diaria, non obstante, vese atacada polo mobbing que fai Jeanne, a propietaria do piso onde vive, que xunto cos veciños e os servizos sociais teñen por obxectivo botalo do seu fogar. Pola súa banda, Étienne non ten ningunha intención de abandonar o seu piso, xa que vive aferrado á convicción de estar a convivir coas presenzas da súa muller e a súa filla xa falecidas. Un accidente doméstico deixará Étienne mal ferido dentro da súa vivenda. Coas súas últimas forzas intentará pedir axuda, pero só descubrirá a falta de humanidade daqueles que o rodean.  

‘O fillo do trono’ ‘Copito de nieve’  

Macéranse os personaxes durante unha xornada, removendo ben para que as súas historias liguen ata formar unha masa consistente e esponxosa. Sazonar xenerosamente cunha mestura de drama e comedia, dándolle liberdade ós ingredientes para impregnarse do sabor dos outros. Meter no forno e esperar que se cociñen a fogo lento eses anacos de vidas que non son nosas pero poderían selo. Aliñar a gusto con risas e bágoas e , finalmente, sírvese nunha boa mesa, para que, quen o desexe, poida degustar, durante algo máis de hora e media, estas 18 comidas.  

Salva (Antonio Dechent) é un vendedor sevillano en apuros que non sabe como solucionar os seus problemas. Nunha feira de vendas coñece a Inés (María Valverde), unha bela azafata de congresos á que pide axuda. Ambos os dous organizan un plan no que está implicado Battleworth (Nick Nolte).  

Hai un ano, as vidas de Xullo, Luz e Saúl cruzáronse. Non obstante, esa casualidade non foi casual. E Alejandro viuno. Vense atrapados nunha proba onde continuar con vida é só consecuencia dos seus propios actos. Alejandro inventou un taboleiro onde Luz non sabe que peza mover. Ten medo e ten que elixir, pero elixir non implica ter liberdade.  

Concerto de presentación Romería Pop a cargo das bandas Niño y Pistola e When Nalda Became Punk.