...  

É a historia duns 'cómicos da legua' que percorren os camiños da España de fai décadas co obxectivo de levar un respiro ás penurias dunha poboación gris, marcada pola miseria e o fame. Sofren a competencia da chegada do cine, pero persisten en representar as súas funcións dos Irmáns Quintero ou de Buero Vallejo; convencidos de que o teatro vivirá sempre e que a dignidade é a 'principal forza que move a terra'.  

Ivor Bolton dirixe á Real Filharmonía de Galicia neste concerto no que interpretan obras de Beethoven, Hindemith, Stravinski e Haydn. “Non entendín un compás de música na miña vida, pero sentino”, dicía Igor Stravinski.  

...  

“Manifestación” é un espectáculo baseado nunha idea orixinal de Albert Pla, que xira arredor da historia dun home atrapado nunha manifestiacón eterna.  

Chega a Compostela o Primeiro Campionato de Improvisación Teatral Galego. Funcións irrepetibles, comedia, creación en directo. Interactuación total, os improvisadores crean historias a partir das propostas do público e resolven escenas a un ritmo vertixinoso e hilarante. Parellas de improvisadores procedentes das compañías Los Duguis (A Coruña), Improperio (Vigo) e The Momento (Santiago), competirán por ser os favoritos do público. Cada sábado un novo combate, presentado polo actor e cómico Antón Coucheiro, aínda que será o público o que decida quen será o gañador da noite.  

‘A nena e o grilo nun barquiño’ é un espectáculo para toda a familia que lle dá continuidade ao exitoso musical que percorreu Galicia no ano 2010 da man do programa de dinamización lingüística Bocaberta da Secretaría Xeral de Política Lingüística.  

‘El Amor de Eloy’ é unha comedia trepidante e intelixente escrita por Ernesto Caballero onde critica duramente as relacións de parella.  

Un grupo de teatro ensaia unha versión de 12 homes sen piedade cando os interrompe unha alarma. Encontrámonos dentro da prisión de Quatre Camins e o sinal indica o illamento dos módulos. O grupo, integrado por seis presos e oito persoas do exterior, permanecerá illado por unha epidemia de orixe descoñecida. A falta de información e o temor a un posible contaxio poñerá a proba a súa fortaleza e cambiará para sempre as súas vidas. O individuo fronte ao grupo, inocentes ou culpables?  

Daniel Da Barca é un novo médico e intelectual republicano encarcerado polas súas ideas na Galicia de 1936. A súa noiva, Marisa Mallo, filla dun coñecido oportunista reaccionario, loita dende fóra por devolverlle a liberdade. A testemuña do seu amor é Herbal, un apoucado carcereiro que asiste entre atónito e furioso ás historias e conversacións que manteñen os presos para facer máis levadeira a súa condena.  

Jacobo, un novo escultor, volve á súa cidade natal despois de 20 anos de ausencia. A razón do seu regreso é a delicada saúde da súa nai, hospitalizada nun psiquiátrico. Alí reencóntrase con persoas case esquecidas, que lle axudarán a enfrontarse a uns feitos dos que leva media vida fuxindo. Isto levarao ao centro dun pesadelo sen saída, na que descubrirá algo terrible: é a peza fundamental dun enigmático plan.  

Cando un asasino a soldo español, ingresado nun hospital de Bos Aires, se decata de que está a punto de morrer, escapa e diríxese ao norte atravesando todo o país. Foxe por estradas secundarias nunha especie de tranquila peregrinación que ten algo que ver cunha moderna novela de cabalarías. Unha muller que encontrou na estrada será o seu escudeiro neste continuo avanzar fuxindo da morte e correndo, ao mesmo tempo, cara a ela.  

Director Javi Camino Videoclip: ‘Helio, Telehones Rouges’ Traxicomedia: ‘Non ten gracia’ Traxicomedia: ‘O viúvo quere mimos’ Terror/comedia: ‘Maldito bastardo’  

Etienne é un ancián enfermo que vive rodeado de toda clase de obxectos que acumulou ao longo do tempo. Son recordos dun pasado tráxico que non quere esquecer. A súa soidade diaria, non obstante, vese atacada polo mobbing que fai Jeanne, a propietaria do piso onde vive, que xunto cos veciños e os servizos sociais teñen por obxectivo botalo do seu fogar. Pola súa banda, Étienne non ten ningunha intención de abandonar o seu piso, xa que vive aferrado á convicción de estar a convivir coas presenzas da súa muller e a súa filla xa falecidas. Un accidente doméstico deixará Étienne mal ferido dentro da súa vivenda. Coas súas últimas forzas intentará pedir axuda, pero só descubrirá a falta de humanidade daqueles que o rodean.  

Concerto de presentación Romería Pop a cargo das bandas Niño y Pistola e When Nalda Became Punk.  

A Real Filharmonía de Galicia ofrece a Misa en si menor de Bach nun concerto co que se pecha o Programa de Abono da temporada 2012-2013. Neste concerto estarán dirixidos por Antoni Ros Marbá e estarán acompañados polo coro Gulbenkian; a soprano Sylvia Schwartz; a mezzosoprano Clara Mouriz; o alto Carlos Mena; o tenor Juan Antonio Sanabria e un barítono por determinar. Desta Misa, o seu primeiro editor Näggeli dixo “ é a obra musical máis grande de todos os tempos e de todos os pobos”  

Despois do éxito colleitado co seu primeiro traballo, "Admirando a Condición" (2011), SÉS, acompañada pola súa banda, presenta ao vivo o seu novo disco 'Co xenio destrozado' neste concerto enmarcado dentro da programación do Concello de Santiago de Compostela SONS’13, e dentro do Ciclo "Cantigas de Mulleres" inspirado no CD editado homónimo por Fol Música.  

Chega a Compostela o Primeiro Campionato de Improvisación Teatral Galego. Funcións irrepetibles, comedia, creación en directo. Interactuación total, os improvisadores crean historias a partir das propostas do público e resolven escenas a un ritmo vertixinoso e hilarante. Parellas de improvisadores procedentes das compañías Los Duguis (A Coruña), Improperio (Vigo) e The Momento (Santiago), competirán por ser os favoritos do público. Cada sábado un novo combate, presentado polo actor e cómico Antón Coucheiro, aínda que será o público o que decida quen será o gañador da noite.