O ciclo Jazz 1906 volve ofrecer aos afeccionados ao jazz intérpretes de incontestable calidade e que percorren as diferentes correntes do jazz actual. No 2012 tivemos, enmarcado no Jazz in Blue dentro deste Jazz 1906, un elenco de artistas de primeiro nivel relacionados con Blue Note Records. O sello de jazz máis prestigioso, brindou a oportunidade de escoitar e ver a figuras da categoría do trompetista francés Erik Truffaz, do saxofonista estadounidense Joe Lovano e do trío The Bad Plus.